Caanuhu waa hoore cad, nafaqo leh, la dhamo oo naasleyda dhedig oo irmaan Caanogaleenkeeda laga helo markii la maalo.
Caanuhu waxay maraan lix heer oo kala ah:-
1.Dambar 𐒆𐒖𐒑𐒁𐒖𐒇: waa heerka koowaad oo ah neefka markaa dhala Caanaha cawlka ah ee laga liso ama laga nuugo.
2.Dhay 𐒊𐒖𐒕: waa heerka labaad oo ah marka caanuhu ugu dhadhan wacan yihiin.waxaa kaloo layiraahda kasoofeen, galax, waraasi, falanfalxood. Caanaha dhayda ahi waxay oollaan karaan gelin haddaan loo adeegsan farsamooyin kale ( sida barafeyso in la geliyo) oo doorsoomidooda looga hortagayo.
3. Mayac 𐒑𐒖𐒕𐒖𐒋: waa heerka saddexaad oo ah dhalanrogga koowaad marka uu ku dhaco oo dhadhankoodu yara doorsoomo.
4.suusac 𐒈𐒓𐒈𐒖𐒋: waa heerka afaraad oo ah markay caanuhu dhadhan ahaan aad u rogmaan.
5. Heerka shanaad waxaa loo kala qaada labo si. Kuwa raafleydu(Lo’da iyo Ariga) waxay u gudbaan heerkoodii shanaad oo layiraahdo #Garoor 𐒌𐒖𐒇𐒝𐒇 oo ah caano fariistay oo is haysta.
Garoorka saddex jaad ayaa loo kala qaadaa oo kala ah
B) booda cadde 𐒁𐒝𐒆𐒖 𐒋𐒖𐒆𐒗: waa midka marka haruubka lagu Dhibaato ugu dhaca sidii cadad fara badan iyo dhibco tira dhaaf ah oo boodboodaaya qofka shubahayaana uu dhawr jeer fooliisa ka tirtiro.
T)Dhataqle 𐒊𐒖𐒂𐒖𐒎𐒐𐒗: waa cadad waaweyn oo balbalaadhan si tartiib tartiib ahna haruubka ugu dhaca iyada oo in ishaystaa markay ku dhacdaba la maqlo “dhataq” sharqan u eg.
J)Hurde 𐒔𐒚𐒇𐒆𐒗: waa garoorka isaga oon kala harin kalana soocnayn weelka ku dhaca wax cod ahna habayaraatee aan laga maqal. Kuwa geelana iyagu waxay ugudbaan #Karuur oo ah iyaguna caano geel oo fadhiistay, gelin ama laba markuu weelka ku jiro karuurku dhanaan daran ayuu noqdaa markaasna #Jaan ama #Jinow*ayaa la yiraahda.
6. Watabiir 𐒓𐒖𐒂𐒖𐒁𐒕𐒇: waa caanuhu markay dhanaan dhaafaan oo bur iyo biyo u kala baxaan.
Haddaad wax ka gororsatay Faafi oo gaarsii dadka kale si ay wax uga gororsadaan.
#Baro_Afkaaga_Hooyo #Heerarka_Caanaha #Caano #𐒋𐒛𐒒𐒙